#76 台灣台語電視史
tshuā 逐家來回頭看台灣台語電視歷史，自1962年台視成立頭一齣，台語電視劇《重回懷抱》講起。紲落去紹介收視率超過97%个布袋戲《雲州大儒俠》，新聞局竟然以「妨害農工正常作息」，把這个節目停起來。
三台台語環境予人封死死，尾手才有民視、三立、大愛等電視台，雖然這寡電視台內底，有真濟台語的節目。不過商業電視台為著收視率，節目內容還有進步个空間。而且，多元的電視台毋干焦愛有新聞，毋干焦愛有戲劇。
推捒台語電視台的腳步，就愛踏進前，主動愛將台語自插花仔的配角，變成開展文化、發聲的平台，以及做台灣流行文化的火車母。毋干焦是傳承台灣文化爾爾，顛倒變成領導台灣意識的中心。
2019年台語電視台，就愛開始寫歷史！